Ýkraınada er adam balany kólik dóńgeleginiń astynan alyp shyǵyp, ajaldan qutqardy
ASTANA. QazAqparat - Ýkraınadaǵy Zakarpate oblysynyń Grýshevo aýylynda balanyń ómirin qıyp ákete jazdaǵan oqıǵa beınebaqylaý taspasyna túsip qaldy.
Anasy joldyń jıeginde qospa jem satyp alǵan kezde, tórt jasar uly kúre jolda kele jatqan kóliktiń aldynan júgirip ótpek boldy. Jergilikti BAQ-tyń málimetterinshe, balany joldyń jıeginde saýda jasap turǵan 30 jastaǵy er adam qutqardy.
Basyna tónip turǵan qaýipke qaramastan, ol oılanbastan balanyń artynan júgirip, kóliktiń aldynan ıterip jiberip, soqqyny ózine qabyldady. Abyroı bolǵanda, oqıǵanyń qatysýshylary azdaǵan jaraqattar ǵana alǵan.
