Ýkraınada eńbek quldyǵynda bolǵan 13 ózbekstandyq bosatyldy

TAShKENT. KAZINFORM – Ýkraınanyń Kıev oblysynda eńbek quldyǵynda bolǵan 13 Ózbekstan azamaty Otanyna qaıtarylady, dep habarlaıdy Kazinform agenttiginiń menshikti tilshisi.

Buǵan deıin BAQ betterinde jarııalanǵan habarlamalardan keıin Ózbekstan elshiliginiń qyzmetkerleri Kıev oblysyna bardy. Onda 13 ózbekstandyqtyń eńbek quldyǵynda bolǵany anyqtaldy. ıAǵnı, Ýkraınada ýaqytsha turyp jatqan qytaılyqtar kórshiles eldiń azamattaryn májbúrlep, jylyjaıdaǵy túrli jumystarǵa tartqan.

Qazirgi ýaqytta bosatylǵan ózbekstandyqtar Kıev oblystyq aýrýhanasyna jatqyzylyp, tıisti medıtsınalyq kómek alyp jatyr.

Ózbekstannyń Ýkraınadaǵy elshiliginen málim etkendeı, azamattar Otanyna qaıtarylyp, olarǵa qajetti járdem kórsetiledi.

Qosa ketsek, bıyl maýsymda Ózbekstan Irannan 30-dan astam azamatyn evakýatsııalady.

Sonymen qatar Tashkent halyqaralyq ınvestıtsııa forýmynda sóz sóılegen Ózbekstan prezıdenti Shavkat Mırzıeev Ýkraınadaǵy jaǵdaı tóńireginde bastalǵan kelissózder nátıje beretinine senim bildirgen edi.