Ýkraınada eki ıslam ekstremısi ustaldy
ASTANA. 19 qańtar. QazAqparat - Ýkraınanyń Sımferopol qalasynda «Hızb-ýt-Tahrır» uıymynyń (ıslam bostandyǵynyń partııasy) eki múshesi ustaldy, dep habarlady RBK. Olardyń ekeýi de Ózbekstannyń azamattary.
Ýkraına ІІM uıymdasqan qylmysqa qarsy kúres basqarmasynyń ókilderi habarlaǵandaı, ustalǵandar uzaq ýaqyt boıy halyqaralyq izdeýde júrgen. Málim bolǵandaı, ustalǵandardyń bireýi «Hızb-ýt-Tahrır» dinı uıymy kóshbasshylarynyń quramyna kiredi. Atalmysh uıym kóptegen elderde ekstremıstik dep tanylǵan. Qolǵa túsken ekinshi adam uıymnyń belsendi qatysýshysy bolyp tabylady.
2010 jyldan bastap olar Ózbekstanda «ekstremıstik uıymdy qurǵany» úshin izdeýde boldy. Qazirgi ýaqytta Ýkraınanyń ІІM-de olardy Ózbekstanǵa ekstradıtsııalaý máselesi sheshilýde.
