Ýkraınada bir top bosqynǵa oq atylyp, túgelge derlik qaza tapty
ASTANA. QazAqparat - Ýkraınanyń Lýganskıı oblysynda bir top bosqyndardy atyp tastady. Oqıǵa Krasnodon aýdany Hrıaşevatyı aýylynda oryn aldy, dep habarlady bı-Bı-Sı.
Bı-bı-sıdiń bul aqparatyn ýkraındyq kúsh operatsııasynyń ókili Leonıd Matıýhın rastady.
Onyń aıtýynsha, qazir qurbandar sany anyqtalýda. Alaıda topta bolǵan bosqyndardyń barlyǵy qaza tapqan.
"Kópshiligi tirideı janyp ketti", - dedi Matıýhın. Ol muny separatısterdiń áreketi dedi.
Budan buryn "Ýkraınskaıa pravda" ınternet-basylymy ýkraındyq «Sever» jedel qolbasshylyq baspasóz ortalyǵynyń basshysy Anatolıı Proshınge silteme jasaı otyryp saǵat 9:40-tarda Hrıaşevatyı jáne Novosvetlovka eldi mekenderiniń bir top bosqyndaryna oq atyldy degen habar jarııalaǵan.
"Qurban bolǵandar sany kóp. Adamdar olar mingen kólikpen qosa janyp ketken", - deıdi Proshın.
Ýkraınanyń Ulttyq qaýipsizdik jáne qorǵanys keńesiniń baspasóz hatshysy Andreı Lysenko qaza tapqandar óte kóp, biraq naqty sany ázirge belgisiz ekenin aıtty.
