Ýkraınada aza tutý kúni jarııalandy
ASTANA. QazAqparat - Ýkraınada elde oryn alǵan jappaı tártipsizdikter saldarynan qaza tapqan adamdardy eske alýǵa oraı aza tutý kúni jarııalandy, dep habarlaıdy ITAR-TASS.
Ýkraına prezıdenti Vıktor ıAnýkovıch óz jarlyǵymen «el aýmaǵyndaǵy úıler men memlekettik bılik organdary, jergilikti ózin-ózi basqarý organdary, memlekettik kásiporyndar, mekemeler men uıymdardyń ǵımarattarynyń ústindegi memlekettik týdy tómen túsirýge», sondaı-aq oıyn-saýyqtardy, kontsertterdi, sporttyq sharalardy keıinge qaldyrýǵa, tele- jáne radıobaǵdarlamalar retine sáıkes ózgerister engizýge qaýly etti.
Memleket basshysy sondaı-aq osy qaqtyǵystar kezinde týǵan-týystarynan aıyrylǵan jandarǵa kóńil aıtyp, qaıǵylaryna ortaqtyǵyn bildirdi. «Men sózimmen qaıǵylaryńyzdyń ornyn toltyra almaıtynymdy bilemin, kóńil-kúılerińizdi túsinemin. Alaıda, men osy qıyn sátterde sizderdiń meniń qoldaýymdy jáne bolǵan jaıǵa ókinish bildiretinimdi sezingenderińizdi qalaımyn», - dedi ol.
