Ýkraınada aıazdyń saldarynan 100-den astam adam kóz jumdy
ASTANA. 4 aqpan. QazAqparat - Ýkraınada aıazdyń saldarynan kóz jumǵan adamdardyń sany kúrt ósip, 101-ge jetti. Bul týraly Ýtro.rý habarlady.
101 adamnyń 11-i aýrýhanada, 26-sy úıde kóz jumdy, dalada úsip ólgen kúıinde 64 adam tabyldy. Sondaı-aq Ýkraınanyń taǵy júzdegen adamy úsik shalý dıagnozymen aýrýhanaǵa jetkizildi.
Aıta keteıik, 2 aqpanda sýyqtan kóz jumǵandardyń sany áldeqaıda tómen - 63 adam bolatyn.
