Ýkraınada áýe shary qulady: bir adam qaza taýyp, beseýi jaraqattandy

KIEV. QazAqparat – Ýkraınanyń batysynda Hmelnıtsk oblysyndaǵy Kamenets-Podolsk qalasyna jaqyn jerde ishinde jolaýshylary bar áýe shary qulady. Bul týraly Ýkraınanyń Ulttyq polıtsııasynyń oblystyq basqarmasy óziniń Facebook paraqshasynda jazdy, dep habarlaıdy QazAqparat.

«Kamenets-Podolsk aýdanynda áýe sharynyń qulaýy saldarynan bir adam qaza taýyp, taǵy bes adam jaraqat aldy. Oqıǵa ornynda jedel tergeý toby jumys isteýde», - dep málim etti polıtsııa.

Qaıǵyly jaǵdaı 22 mamyr kúni keshqurym Kamenets-Podolsk aýdanynda Kýlchıevtsy eldi mekeniniń janynda oryn aldy. Áýe sharynyń bortynda ushqysh pen bes jolaýshy bolǵan. Olardyń barlyǵy Hmelnıtsk pen Kamenets-Podolsk qalalarynyń turǵyndary. Bir er adam qaza tapty, taǵy bes adam túrli dárejede jaraqat aldy. Olardyń arasynda ushqysh ta bar.

Áýe reısteriniń erejelerin buzý baby boıynsha tergeý bastaldy.

Buǵan deıin qalalyq keńes óziniń Facebook -tegi paraqshasynda Kamenets-Podolsk qalasynda osy demalys kúnderi «Podol kýbogy» áýe sharlary festıvali ótedi, dep habarlaǵan bolatyn.