Ýkraınada apatqa ushyraǵan Boeing-777 jolaýshylarynyń tizimi jarııalandy
ASTANA. QazAqparat - Ýkraınada apatqa ushyraǵan Boeing-777 jolaýshylarynyń tizimi jarııalandy, dep habarlady Lenta.ru.
Ýkraınanyń shyǵysynda qulaǵan laınerdiń bortynda 143 Nıderlandy azamaty, 27 avstralııalyq, 22 malaızııalyq, 12 ındonezııalyq, alty brıtandyq, tórt-tórtten GFR men Frantsııa azamattary, úsh belgııalyq jáne kanadalyq bolǵan. Bul málimetterdi qoldaryna jolaýshylardyń aldyn ala tizimi túsken Star gazeti keltirgen.
Malaysia Airlines ushaǵynyń taǵy 58 jolaýshynyń ulty kim ekeni aıtylmaǵan. Keıbir miálimetter boıynsha, olardyń arasynda 23 amerıkandyq bolǵan. Budan basqa, bortta ekıpajdyń 15 múshesi bolǵan. Olardyń azamattyǵy da belgisiz.
Malaysia Airlines avıakompanııasy laıneriniń Donetsk oblysynyń aýmaǵynda qulaýy týraly aqparat máskeý ýaqytymen 19:00-de kelip tústi. Qoldaǵy málimetterge qaraǵanda apat saldarynan borttaǵy barlyq 295 adam (280 jolaýshy jáne ekıpajdyń 15 múshesi) túgel qazaǵa ushyraǵan.
Ýkraın armııasy men Donbass halyqtyq respýblıkalarynyń jasaqtary laınerdiń qulaýyna qatysyn joqqa shyǵardy.
