Ýkraınada Altyn orda hanynyń jazǵy qonysy tabyldy

Qazba jumystary kezinde bul jerden myńdaǵan jez jáne altyn baqyr shyqty, dep jazady "Alash aınasy" gazeti newsfiber.com saıtyna silteme jasap.

V.Dal atyndaǵy Shyǵys Ýkraına ulttyq ýnıversıteti mamandarynyń habarlaýynsha, Altyn orda handaryna tıesili qonys Lýgansk oblysynyń Popasnıan aýdany aýmaǵynan tabyl­ǵan. Kezinde han shatyry bir ústirttiń sý aıyratyn jotasyna tigilipti. Ǵalymdar mańaıdan aýyzsý kózi men baǵaly buıymdar jasyrylǵan jerdi tapty. Odan 3 myńnan astam jez jáne altyn ba­qyr, qabyrǵaǵa iletin sýretti qańyltyrlar, áıel­derdiń áshekeı buıymdary, eńbek jáne turmystyq quraldar, qarý-jaraq túrleri shyqty. Shyǵys Ýkraına ulttyq ýnıversıteti mamandary bul orda Ǵabdollah handiki bolýy múmkin dep topshy­laıdy. Tarıhı derekter boıynsha, ol 1361 jyly Mamaıdyń qoldaýymen han bolǵan. Altyn orda handary Sýdak, Azaý jáne Edil boıyndaǵy Saraı dalasynda jazǵy qonys ornatqan. Bul jerlerde júzdegen kıiz úı tigilip, jármeńkeler, oıyn-toılar ótken.