Ýkraınada áli de Qazaqstan azamattary bar - CІM

NUR-SULTAN. QazAqparat – Ýkraınada áli de Qazaqstan azamattary qalyp otyr. Bul jaıynda QR Premer-Mınıstriniń orynbasary – Syrtqy ister mınıstri Muhtar Tileýberdi aıtty, dep habarlaıdy QazAqparat tilshisi.

«Eń aldymen, Elshiligimiz Kıevten Lvovqa qonys aýdardy. Ol evakýatsııalanǵan joq, jumysyn jalǵastyryp jatyr», - dedi vıtse-premer Úkimet otyrysynan keıin BAQ ókilderiniń saýalyna oraı.

Sonymen qatar ol Ýkraınanyń soǵys júrip jatqan óńirlerinde Qazaqstan azamattarynyń qalyp qoıǵanyn atap ótti.

«Soǵys is-qımyldary júrip jatqan eń qaýipti jerlerde, aýmaqta azamattarymyz áli de bar jáne olardy shyǵarý máselesi tur. Qazirgi ýaqytta gýmanıtarlyq dázildiń ashylýyn kútip otyrmyz. Ol jaıynda ýkraındyq jáne reseılik tarap arasynda kelissóz júrgizilip jatyr. Múmkindik týǵan sátten-aq atalǵan gýmanıtarlyq dáliz arqyly sol jaqta qalyp qoıǵan azamattarymyzdy evakýatsııalaımyz», - dedi Muhtar Tileýberdi.