Ýkraınada alǵashqy koronavırýs juqtyrý oqıǵasy tirkeldi

KIEV. Ýkrınform-QazAqparat - Ýkraınadaǵy zerthanada Covid-19 koronavırýsyn juqtyrǵan alǵashqy jaǵdaı tirkeldi. Bul týraly 3 naýryzda ótken brıfıngte Ýkraına densaýlyq saqtaý mınıstriniń orynbasary Vıktor Lıashko málim etti, dep habarlaıdy Ýkrınform.

Koronavırýs juqtyrýdyń alǵashqy oqıǵasy Chernovtsyda tirkeldi.

Buǵan deıin habarlaǵandaı, búginge deıin álem boıynsha koronavırýs juqtyrǵandar sany – 90 936 adam. Aýrýdan kóz jumǵandar 3117 adamǵa jetti. Vırýs juqtyrý sany boıynsha Qytaı kósh bastap tur. Qytaıda koronavırýs juqtyrǵandar – 80 151. Ońtústik Koreıada 4812 oqıǵa tirkelgen, Italııada – 2 036, Iranda – 1 501. Vırýstan qaıtys bolǵandar sany boıynsha Qytaıdan keıingi el - Iran. 66 adam Iranda indetten kóz jumǵan. Italııada - 52, Ońtústik Koreıada 28 adam ınfektsııa saldarynan kóz jumǵan.