Ýkraınada adam aıtqysyz jol apaty boldy: elektrıchka avtobýsqa soqtyǵysty
ASTANA. Qazannyń 12-si. QazAqparat - Búgin tańerteń Ýkraınada adam aıtqysyz jol-kólik apaty oryn aldy. Manevrli lokomotıv «Etalon» jolaýshylar avtobýsyna soqtyǵysty.
RBK-Ýkraınaǵa Dnepropetrovsk oblysy boıynsha TJM bas basqarmasy bastyǵynyń kómekshisi Aleksandr Dmıterko habarlaǵandaı, tótenshe oqıǵa Dnepropetrovsk oblysynyń Marganets qalasy mańyndaǵy temirjol ótkelinde oryn aldy.
Oqıǵa ornynda dárigerler men qutqarýshylar jumys isteýde.
Ýkraına ІІM MAI departamentiniń baspasóz qyzmetinen habarlaǵandaı, apat kezinde 38 adam qaza tapty. 15 adam túrli dárejede dene jaraqattarymen aýrýhanaǵa jetkizildi, olardyń 4-eýi asa aýyr halde.
Ýkraına ІІM MAI JBO bastyǵy Dmıtrıı Andreev RBK-Ýkraına agenttigine habarlaǵandaı, Ýkraına Іshki ister mınıstriniń tapsyrmasymen oqıǵa ornyna mınıstrdiń orynbasary Vasılıı Farınnık pen Ýkraına ІІM MAI bastyǵy Valerıı Lozov bastaǵan jedel top júrip ketti.
Mınıstr MAI qyzmetine temirjol ótkelderindegi baqylaýdy kúsheıtýdi jáne jolaýshylar tasymaldaýmen aınalysatyn (avtobýstar) kólik quraldaryn tehnıkalyq baqylaýdan ótkizilýin qadaǵalaýdy tapsyrdy. Aldyn ala málimet boıynsha, apatqa avtobýs júrgizýshisi kináli. Ol semafordyń tyıym salǵan belgisine qaramastan, temirjol ótkelinen ótip ketpek bolǵan. Bul aqparatty Prıdneprovsk temirjolyndaǵy aqparat kózi de rastap otyr.
