Ýkraınada 2020 jylǵa qaraı Úlken entsıklopedııany basyp shyǵarady
ASTANA. 4 qańtar. QazAqparat - 2013-2020 jyldardyń ishinde Ýkraınada Úlken ýkraın entsıklopedııasy basylyp shyǵady. Tıisti Jarlyqqa Ýkraına Prezıdenti Vıktor ıAnýkovıch qol qoıdy, dep habarlady Ýkrınform Memleket basshysynyń baspasóz qyzmetine silteme jasap.
«Adamzat órkenıetiniń damýy týraly ǵylymı bilimderdi, sondaı-aq álemdik tarıh pen mádenıetke Ýkraınanyń qosqan úlesin saqtaý, júıeleý jáne taratý maqsatynda Ýkraına Ulttyq ǵylym akademııasynyń 2013-2020 jyldar ishinde Úlken ýkraın entsıklopedııasyn ázirleý jáne bastyrýǵa qatysty usynysyn qoldaýǵa qaýly etemin», delingen qujatta.
Jarlyqqa sáıkes Mınıstrler Kabıneti eki aıdyń ishinde ázirlik sharalary josparyn jasap, Úlken ýkraın entsıklopedııasyn qarjylandyrýdy qamtamasyz etýi tıis. Entsıklopedııany ázirleý men bastyrýǵa ǵylymı jáne ádistemelik basshylyq etýdi Ulttyq ǵylym akademııasynyń quramynda qurylatyn onyń bas redaktsııalyq alqasy júzege asyratyn bolady.
