Ýkraına Joǵarǵy Radasy tarady: Kezekten tys saılaý 21 shildede ótedi

KIEV. QazAqparat-ÝKRINFORM - Ýkraına Prezıdenti Vladımır Zelenskııdiń VIII shaqyrylymdaǵy Joǵarǵy Rada ókilettigin merziminen buryn toqtatý jáne kezekten tys saılaýdy 21 shildede ótkizý týraly Jarlyǵy kúshine endi, dep habarlaıdy QazAqparat Ýkraınformǵa silteme jasap.

«Ýkraına Konstıtýtsııasynyń 90-baby ekinshi bóligi 1-tarmaǵy, 83-baby altynshy jáne jetinshi bóligi, 77-baby ekinshi bóligine jáne 106-baby birinshi bóligi 7 jáne 8-tarmaqtaryna sáıkes, segizinshi shaqyrylymdaǵy Ýkraına Joǵarǵy Radasynyń ókilettigin merziminen buryn toqtatýdy qaýly etemin. Ýkraına Joǵarǵy Radasynyń kezekten tys saılaýy 2019 jyldyń 21 shildesinde ótkizilsin», - delingen qujatta.

Ýkraına mınıstrler kabınetine Joǵarǵy Radanyń kezekten tys saılaýyn qarjylandyrý tapsyryldy.

Ýkrınform habarlaǵandaı, Zelenskıı 20 mamyrda ınaýgýratsııada sóılegen sózinde Joǵarǵy Radany taratý týraly málimdegen edi. 21 mamyrda memleket basshysy Rada ókilettigin merziminen buryn toqtatý týraly Jarlyqqa qol qoıdy.