Ýkraına jerinde bokstan ótken týrnırde elimizdiń sportshylary 3 altyn, 3 kúmis jáne 2 qola medaldi jeńip aldy
ALMATY. 11 shilde. QazAqparat /Ádilet Musahaev/ - Ýkraınanyń Marıýpol qalasynda bokstan ótken 45-shi halyqaralyq «Makar Mazaı» memorıalynda elimizdiń bylǵary qolǵap sheberleri úsh altyn, úsh kúmis jáne eki qola medaldi enshilep, jalpy komandalyq esepte ekinshi orynnan kórindi.
Saıys qorytyndysy boıynsha Birjan Jaqypov 49 keli salmaqta, Oljas Sáttibaev 52-de, Serik Sápıev 69 kelide altynnan alqa taǵynsa, Ǵanı Jaılaýov, Vasılıı Levıt, Ivan Dychko kúmiske qol jetkizdi. Sonymen qatar Danııar Eleýsizov pen Danabek Sýjanov qola medaldi ıelendi.
Atalǵan týrnırde 9 eldiń ókilderi bas qosty. Jalpy komandalyq esepte 22 medalmen sharshy alań ıeleri birinshi orynǵa shyqty. Olardyń qanjyǵasynda 7 altyn, 3 kúmis jáne 12 qola medal bar. Al úshinshi orynda 3 kúmis pen 2 qola medaldy jeńip alǵan ózbek boksshylary tur. Reseı boksshylary 1 kúmis pen 1 qola medalǵa qol jetkizip tórtinshi orynnan tabyldy. Sondaı-aq Moldova, Túrkimenstan jáne Iran boksshylarynyń qorjynynda 1 qol medaldan bar. Al shved pen káris sportshylary esh oljasyz úılerine qaıtty.
