Ýkraına janjalyn Mınsk ýaǵdalastyǵyn oryndaý arqyly ǵana sheshýge bolady - E.Ydyrysov
ASTANA. QazAqparat - Ýkraına janjalyn Mınsk ýaǵdalastyǵyn oryndaý arqyly ǵana sheshýge bolady. Bul týraly búgin QR Prezıdenti janyndaǵy OKQ-de ótken brıfıngte atalǵan vedomstvonyń basshysy Erlan Ydyrysov málim etti.
Mınıstr óz sózinde Mınsk ýaǵdalastyǵynyń bastamashysy ári katalızatory Qazaqstan Prezıdenti Nursultan Nazarbaev bolǵanyn aıryqsha atap ótti.
«Bizdiń Kóshbasshymyz jáne barlyq qazaqstandyqtar ýkraın daǵdarysyn júrekterine jaqyn qabyldaıdy. Ótıkeni, Ýkraına bizdiń jaqyn el. Ózderińiz de biletindeı, Qazaqstanda kóptegen ýkraın turady nemese shyqqan tegi ýkraındyqtardyń sany shamamen 300 myń adamdy quraıdy», - dedi ol.
Onyń aıtýynsha, Qazaqstan Ýkraınadaǵy janjaldy retteýdiń joldaryn únemi izdep keledi. Biraq qazirgi ýaqytta «Normad úlgisindegi Mınsk ýaǵdalastyǵynan» artyq esh shara joq.
«Sol sebepti ahýaldy retteýdiń jalǵyz joly tarlyq qatysýshy taraptardyń atalǵan kelisimdi múltiksiz oryndaýy bolyp tur. Barlyq elder Mınsk ýaǵdalastyǵyna qatysýshy elderdi ony júzege asyrýǵa barlyq kúsh-jigerdi jumsaýǵa shaqyrýda. Degenmen biz bul Ýkraınadaǵy daǵdarysty retteýge múmkindik alýdyń qoldaǵy jalǵyz ári durys sharasy ekendigine senimdimiz. Biz barlyq saıası jáne basqa da ádistermen oǵan járdem bolýǵa tyrysýdamyz», - dedi E.Ydyrysov.
