Ýkraına jáne Reseı Qara teńiz flotyna jeńildetilgen keden rejımin engizbekshi
ASTANA. 23 qarasha. QazAqparat -Reseı Federatsııasynyń Qara teńiz flotynda jeńildetilgen keden rejımin engizý týraly týraly Ýkraına men Reseı arasynda kelissózderdiń kezekti raýndy ótedi.
RBK agenttigiń málimetine qaraǵanda, bul týraly brıfıngte Ýkraına ІІM-niń baspasóz hatshysy Aleksandr Dıkýsarov málimdegen.
«2011 jyldyń 24-25 qarashasynda Ýkraınanyń Syrtqy ister mınıstrliginde kezekti otyrys ótedi. Onda Ýkraına aýmaǵynda RF Qara teńiz Floty bolýy áskerı-saıası problemalary boıynsha ýkraın-reseı kelissózderiniń kezekti raýndy ótedi», - dedi dıplomat.
Onyń aıtýynsha, «kelissózder barysynda Ýkraına jáne Reseı arasyndaǵy kelisim jobalary egjeı-tegjeıli talqylanatyn bolady. Ýkraına men RF Úkimetteriniń arasyndaǵy kelisimdi Reseı tarapy usynyp otyr. Naqtyraq aıtqanda, Ýkraına aýmaǵynda Qara teńiz Flotynyń tehnıkalyq quraldary men taýarlaryn jeńildetilgen kedendik rejım boıynsha ótkizý máseleleri talqylanady.
