Ýkraına jańa An-158 ushaǵyn tanystyrdy
KIEV-MINSK. 22 maýsym. QazAqparat /Aıtýar Mamlın/ - Ýkraınanyń «Antonov» memlekettik kásiporny 20-26 maýsym aralyǵynda Parıjde ótip jatqan «Paris Air Show 2011» avıasalonynda óziniń jańa ónimin - An-158 ushaǵyn tanystyrdy.
Bul týraly Ýkraınanyń Infraqurylym mınıstrligi habarlady.
An-158 - 4 myń shaqyrymǵa deıin qashyqtyqqa usha alatyn jáne 99 jolaýshy tasymaldaýǵa arnalǵan óńirlik reaktıvti ushaq. Mamandar jańa ushaqtyń sertıfıkatsııalyq synaq baǵdarlamasyn aıaqtap, onyń paıdalaný jaǵdaılaryn keńeıtý jónindegi synaqtardy bastady. Ústimizdegi jyldyń aqpan aıynda An-158 ushaǵy Iranda 16 ushý saparyn jasap, teńiz deńgeıinen 2200 metr bıiktikte ornalasqan aerodromdarǵa qona alatynyn dáleldedi.
Ýkraınalyq avıaóndirýshilerdiń pikirinshe, An-158 ushaǵy An-148 ushaǵynyń laıyqty izbasary bola alady.
