Ýkraına jaqyn arada EO-men kelisimdi bekitýge nıetti

ASTANA. 13 jeltoqsan. QazAqparat - Ýkraınanyń birinshi vıtse-premeri Sergeı Arbýzov EO-ny keńeıtý boıynsha eýrokomıssar Shtefan Fıýlemen kelissózderden keıin jaqyn arada Ýkraına Eýroodaqpen qaýymdastyq jónindegi kelisimge qol qoıatynyn málimdedi.

VVS-diń jazýynsha, Arbýzovtyń sózine qaraǵanda, kelisimge ulttyq strategııalyq múddeler eskerile otyryp qol qoıylady jáne bul turǵyda Ýkraınada saıası erik bar.

Vıtse-premer sonymen qatar taraptar qaýymdastyq týraly kelisimdi qoldaný úshin jol kartasyn ázirleýge keliskenin atap ótti.

Óz kezeginde Fıýle HVQ-men kelisimge qol jetkizý úshin jáne erkin saýda aımaǵyna qosylý turǵysynda qajetti jaǵdaıdy qurýda Ýkraınaǵa qoldaý jasaýǵa ýáde berdi.