Ýkraına úkimeti otstavkaǵa ketti
ASTANA. KAZINFORM — Ýkraınanyń Joǵarǵy radasy Premer-mınıstr ıÝlııa Svırıdenkonyń otstavkasyn qoldady. Onymen birge Úkimettiń búkil quramy da avtomatty túrde qyzmetinen ketti, dep habarlaıdy Ukrinform.
Tıisti sheshimdi 258 depýtat qoldap daýys berdi.
Daýys berý aldynda parlamentte sóz sóılegen ıÝlııa Svırıdenko depýtattar men memlekettik organdarǵa birlesken jumysy úshin, Ýkraına Prezıdentine bildirgen senimi úshin, al el azamattaryna qoldaýy men eńbegi úshin alǵys aıtty.
Ol Úkimet qyzmetiniń negizgi baǵyty halyqty qoldaý, energetıka, bilim berý, kólik, densaýlyq saqtaý jáne turǵyn úı-kommýnaldyq sharýashylyq júıeleriniń turaqty jumysyn qamtamasyz etý, sondaı-aq el ishinde qonys aýdarǵan azamattarǵa kómek kórsetý bolǵanyn atap ótti.
Premer-mınıstrmen birge birinshi vıtse-premer — Energetıka mınıstri Denıs Shmygal, vıtse-premerler jáne mınıstrler de ókilettikterin toqtatty.
Joǵarǵy rada tóraǵasy Rýslan Stefanchýk ıÝlııa Svırıdenkoǵa atqarǵan jumysy úshin alǵys aıtyp, sońǵy bir jyldaǵy parlament pen Úkimet arasyndaǵy ózara yntymaqtastyqty joǵary baǵalady.
Ukrinform agenttiginiń málimetinshe, jańa Úkimet quramyn taǵaıyndaý máselesi 16 shildede qaralady. Osy ýaqytqa deıin Mınıstrler kabınetiniń basshysy mindetin Denıs Shmygal ýaqytsha atqarady.
ıÝlııa Svırıdenko Ýkraına Premer-mınıstri qyzmetine 2025 jylǵy 17 shildede taǵaıyndalǵan bolatyn.
