Ýkraına tóńiregindegi eskalatsııa

ASTANA. KAZINFORM - Reseı urys jaǵdaıynda «Oreshnık» ıadrosyz gıperdybystyq jabdyqta ballıstıkalyq zymyrandy synady.

Bul týraly Reseı Federatsııasynyń Prezıdenti Vladımır Pýtın málimdedi.

Eske salsaq, Memleket basshysy Ýkraınadaǵy ahýaldyń ýshyǵýyna baılanysty elimizdegi tıisti qurylymdarǵa shuǵyl sharalar qabyldaýdy tapsyrdy.

Sonymen qatar Premer-mınıstr Oljas Bektenov Ýkraına tóńiregindegi jaǵdaıǵa baılanysty qorǵanys, ishki ister, tótenshe jaǵdaılar, syrtqy ister, densaýlyq saqtaý, kólik, energetıka, ónerkásip jáne qurylys, ulttyq ekonomıka, qarjy mınıstrlikteriniń basshylyǵymen Memleket basshysynyń negizgi áskerı jáne azamattyq obektilerdiń qaýipsizdigin qamtamasyz etý jóninde shuǵyl sharalar qabyldaý týraly tapsyrmalaryn oryndaý jóninde jedel keńes ótkizdi.