Ýkraına Tımoshenko isine qatysty EO-ǵa esep beretin boldy
ASTANA. 11 qazan. QazAqparat - Eýrokomıssııa ókilderi Ýkraınanyń burynǵy premer-mınıstri ıÝlııa Tımoshenkoǵa qatysty úkimge saıası negizde týyndaǵan sheshim degen baǵa berdi. Endi Ýkraına SІM-i burynǵy premer isine qatysty EO-ǵa esep beretin boldy. Bul jóninde brıfıngte Ýkraına syrtqy ister mınıstrligi Aqparattyq saıasat departamentiniń jetekshisi Oleg Voloshın málimdedi.
«Іs mátini boıynsha SІM Eýropaǵa esep berýge májbúr, sebebi olar bizden bul jóninde qaıta-qaıta surap jatyr», - degen Voloshınniń sózin mysalǵa keltiredi RBK-Ýkraına.
Departament basshysynyń eskerip ótkenindeı, Kıev «bul taqyryptyń daýlylyǵy men ózektiligin jaqsy túsinedi».
Eýroodaqtyń keńeıtý jáne eýropalyq kórshilestik saıasat jónindegi komıssary Shtefan Fıýle Tımoshenkoǵa qatysty is áli aıaqtalǵan joq dep esepteıdi. «Sot úrdisi áli aıaqtalǵan joq, áli appelıatsııaǵa berý úrdisi bar jáne men ony jiti nazarymda ustaıtyn bolamyn. Biz durys sheshim tabylatyndyǵyna úmittimiz», - dedi Fıýle Brıýsselde jýrnalısterge bergen suhbatynda.
