Ýkraına soty «Máńgi alaýdyń» jalynyna jumyrtqa qýyrǵan stýdent qyzǵa úkim shyǵardy
ASTANA. 5 qazan. QazAqparat - Kıevte 2010 jyldyń jeltoqsanynda Ýkraına astanasyndaǵy «Máńgi alaý» eskertkishiniń jalynyna jumyrtqa qýyrǵan Anna Sınkovaǵa úkim shyǵaryldy.
Bul týraly Reseı Jańalyqtary agenttigi habarlady. Boıjetken shartty túrde úsh jylǵa bas bostandyǵynan aıyrý jazasyna kesildi. Onyń sózine qaraǵanda, ol úkimdi qaıta qaraýdy suraıtyn bolady.
Sınkova Uly Otan soǵysynyń qatysýshylaryna arnalǵan eskertkishtiń alaýyna ózine tańǵy asty ázirlegen vıdeobeıne ınternette paıda bolǵannan keıin qamaýǵa alyndy. Qyzdyń bul qylyǵy kıevtikterdiń, ásirese ardagerlerdiń ashýyn týdyrdy. Oǵan «Eskertkishti qorlaý» baby boıynsha aıyp taǵyldy.
Stýdent qyz bolsa ózin kináli dep sanamaıdy. Ol óziniń aktsııasymen Ýkraınada gazdyń maqsatsyz paıdalanylýy men adragerlerge jetkiliksiz nazar aýdarylyp otyrǵanyna qarsy narazylyq bildirgendigin málim etti.
Bul rette ýkraına prokýratýrasy oǵan taǵaıyndalǵan jaza tym jeńil dep esepteıdi. Prokýror Dmıtrıı Baıdıýktiń aıtýynsha, aldaǵy taıaý ýaqytta memlekettik aıyptaý tarapy úkimdi qaıta qaraý týraly ótinish túsiretin bolady.
