Ýkraına Reseımen dıplomatııalyq qatynasyn úzdi

KIEV. TASS – QazAqparat - Ýkraına Reseımen dıplomatııalyq qatynasty buzý jóninde sheshim qabyldady. Bul týraly beısenbide ótken brıfıngte Ýkraına prezıdenti Vladımır Zelenskıı málimdedi, dep habarlaıdy QazAqparat TASS agenttigine silteme jasap.

22 aqpanda Zelenskıı Ýkraına syrtqy ister mınıstrliginen Reseımen dıplomatııalyq qarym-qatynasty úzý týraly ótinish alǵanyn habarlady.

Reseı prezıdenti Vladımır Pýtın beısenbi kúni tańerteń teledıdar arqyly sóılegen sózinde Donbass respýblıkalary basshylarynyń úndeýine jaýap retinde arnaıy áskerı operatsııa júrgizý týraly sheshim qabyldaǵanyn aıtty.

Reseı basshysy Máskeýdiń josparynda Ýkraına aýmaǵyn okkýpatsııalaý joq ekenin basa aıtty.

Reseı Federatsııasynyń Qorǵanys mınıstrligi reseılik áskerıler Ýkraına qalalaryna soqqy jasamaıtynyn, áskerı ınfraqurylym joǵary dáldiktegi quraldarmen shyǵarylatynyn habarlady.

Beıbit turǵyndarǵa eshqandaı qaýip tónbeıdi, dep sendirdi vedomstvo.

Ýkrınform basylymynyń jazýynsha, eldiń syrtqy saıası vedomstvosy Reseıdiń shabýyldaý operatsııasy Ýkraınanyń egemendigi men aýmaqtyq tutastyǵyna shabýyl, BUU Jarǵysyn jáne halyqaralyq quqyqtyń negizgi normalary men qaǵıdalaryn óreskel buzý ekenin atap ótken.

«Ýkraına 1963 jylǵy Konsýldyq qatynastar týraly Vena konventsııasynyń 2-babyna sáıkes Reseımen dıplomatııalyq qatynastyń úzilgenin málimdeıdi. Biz Reseıdegi ýkraınalyqtardyń, sonyń ishinde ýkraın saıası tutqyndarynyń quqyqtary men múddelerin qorǵaýdy jalǵastyramyz», - dep tolyqtyrdy agenttik.

Ýkraına Syrtqy ister mınıstrligi de Ýkraınanyń Reseı Federatsııasyndaǵy ýaqytsha senimdi ókili Vasılıı Pokatılony keńesý úshin Kıevke shaqyryp, Máskeýdegi Ýkraına elshiligin evakýatsııalaýdy bastady.

Qazirgi ýaqytta Ýkraınanyń Reseı Federatsııasynyń aýmaǵyndaǵy konsýldyq mekemeleri jumysyn shtattyq rejımde jalǵastyrýda.

Eske sala keteıik, búgin Ýkraına prezıdenti Vladımır Zelenskıı el halqyna úndeý jarııalap, Ýkraına aýmaǵynda áskerı jaǵdaı rejımi engizilgenin málimdedi.

Budan buryn habarlanǵandaı, jaqynda QR Syrtqy ister mınıstri Muhtar Tileýberdi Reseıdiń Donetsk pen Lýganskini turaqtandyrý sheshimine pikir bildirdi.

Aıta keteıik, Qazaqstan Ýkraınadan el azamattaryn evakýatsııalap jatyr.

Ýkraınadaǵy kúrdeli jaǵdaılarǵa baılanysty qazirgi ýaqytta sol eldegi QR azamattaryna turǵylyqty jerlerinde bolý jáne QR elshiligimen jáne konsýldyqtarymen turaqty baılanysta bolý usynylady.