Ýkraına Reseıge kez kelgen ýaqytta ekonomıkalyq soǵys asha alady
ASTANA. 3 naýryz. QazAqparat - Ýkraınanyń Joǵarǵy Radasynyń 270 depýtaty basqa elderdiń Ýkraınaǵa ekonomıkalyq negizde jasaǵan qysymyna dál sondaı jaýap qaıtarýǵa ruqsat beretin zańdy biraýyzdan qabyldaǵan.
Bul jaıynda lenta.ru saıty habarlady. Reseıdiń BAQ-tary saýda soǵysyna ruqsat etetin bul zańdy Ýkraına eń birinshi Reseıge qoldanýy múmkin dep shýlap jatyr.
Ýkraınanyń Aımaqtyq partııasynyń depýtaty saýda soǵysy týraly bul zańdy «irimshik máselesine» oraı ońtaıly qoldanýǵa bolatynyn atap ótken. Degenmen, ol bul zańnyń Reseıge tikeleı baǵyttalmaǵanyn basa aıtyp, tek Reseıdiń azyq-túlik baqylaý basqarmasynyń basshysy Gennedıı Onışenkonyń RF-ǵa ýkraınalyq irimshikterdiń keıbir sorttaryn kirgizýge tyıym salǵany osyndaı qadamǵa ıtermelegenin búrkemelep jetkizgen.
Jańa zań ruqsat etetin saýda soǵystaryn ýkraına bıligi lıtsenzııalaý rejıminiń kómegimen júrgizetin bolady. Endigi ýaqytta ýkraınalyq depýtattar ımporttaýshylardy burynǵy jeńildikterinen qaǵyp, keıbir jaǵdaılarda olarǵa qarsy jartylaı nemese bútindeı embargo jarııalaı alady.
