Ýkraına Radasynda sessııanyń alǵashqy kúni tóbeles boldy
ASTANA. Qyrkúıektiń 7-si. QazAqparat - Ýkraınanyń Joǵarǵy Radasynda jańa sessııanyń alǵashqy kúni ıÝlııa Tımoshenkonyń blogy men Aımaqtar partııasy fraktsııalary depýtattarynyń arasynda tóbeles oryn aldy, dep habarlaıdy ÝNIAN agenttigi.
Turǵyn úı-kommýnaldyq sharýashylyǵy tarıfterin kóterýge moratorıı engizý týraly máseleniń qaralýyn talap etken ıÝlııa Tımoshenkonyń jaqtaýshylary úzilis kezinde minbege ótip, ony jaýyp tastaýǵa talpynǵan. Al Aımaqtar partııasynyń músheleri óz kezekterinde, olarǵa kedergi jasamaq bolyp, olardyń áreketteriniń sońy tóbeleske ulasqan.
Kıevte parlament ǵımaratynyń aldyna úkimettik ekonomıkalyq reformalar baǵdarlamasyn qoldaýshylar men oǵan narazylyq bildirýshiler jınalyp tur. Aımaqtar partııasynyń jaqtaýshylary parlament jumysyna oppozıtsııanyń kedergi jasaýyna jol bermeý úshin, parlament ǵımaratyn qorshap alyp tur.
Rada túbindegi mıtıngti ıÝlııa Tımoshenkonyń blogy men «Azattyq» búkilýkraınalyq birlestigi uıymdastyryp otyr.
