Ýkraına Radasy depýtattardy qylmystyq jaýapkershilikten qorǵaý týraly bapty alyp tastamaq
KIEV. ÝKRINFORM - QazAqparat - ІH shaqyrylymdaǵy Joǵarǵy Rada «Ýkraına Konstıtýtsııasynyń 80-babyna ózgerister engizý týraly» (Ýkraına halyq depýtattarynyń quqyǵyna qol suǵylmaýshylyq týraly) zań jobasyn birinshi oqylymda qabyldady, dep habarlaıdy QazAqparat Ýkrınform agenttigine silteme jasap.
Ýkraına Konstıtýtsııasynyń 80-babyna tıisti ózgertýler engizýdi qoldap 363 halyq depýtaty daýys berdi. Zań jobasyn qabyldaý úshin 226 depýtattyń daýysy jetkilikti edi.
№7203 zań jobasyn VIII shaqyrylymdaǵy parlamentte eldiń besinshi prezıdenti Petr Poroshenko tirkegen bolatyn. Oǵan sáıkes, parlament múshelerin Joǵarǵy Radanyń kelisiminsiz qylmystyq jaýapkershilikke tartýǵa, ustaýǵa, abaqtyǵa qamaýǵa bolmaıdy degen bólim 80-baptan alynyp tastalady. Osylaısha, Konstıtýtsııanyń 80-babynda halyq depýtattary parlamenttegi daýys berý nemese sóz sóılegeni úshin zań aldyndaǵy jaýapkershilikke tartylmaıdy degen norma ǵana saqtalady.
Zań 2020 jyldyń 1 qańtarynda kúshine enedi dep josparlanǵan.
