Ýkraına prezıdenttiginen 18 adam úmitker
ASTANA. Qarashanyń 12-si. QazAqparat - Ortalyq saılaý komıssııasy Ýkraına prezıdenttigine kandıdattardy tirkeý amalyn aıaqtady.
Barlyǵy 18 adamnyń Ýkraına prezıdenttigine talasy bar, taǵy 15 adamdy Ortalyq saılaý komıssııasy tirkeýden bas tartty, dep habarlaıdy «Maıak» radıosy.
Ýkraınada prezıdenttik saılaý 2010 jyly qańtardyń 17-sinde ótedi. Vıktor ıÝşenko prezıdenttik saılaýdyń keıinge ysyrylmaıtynyn málim etti. Sebebi, osynyń aldynda birqatar ýkraınalyq saıasatkerler tumaý epıdemııasyna baılanysty elde tótenshe jaǵdaı engizilip, al saılaýdyń qańtar aıynan mamyr aıyna aýystyrylý múmkindigi týraly pikirler aıtqan bolatyn.
