Ýkraına Prezıdenti tumaýǵa baılanysty saılaý merzimi aýystyrylmaıtynyn qýattady
ASTANA. Qarashanyń 11-i. QazAqparat - Ýkraına Prezıdenti Vıktor ıÝşenko seısenbi kúni Herson oblystyq «Skıfııa» telekompanııasynyń efırinde sóılegen sózinde, qazan aıynyń sońynda bastalǵan tumaý indetine baılanysty elde tótenshe jaǵdaı jarııalamaıtynyn málim etti.
Ótken aptada eldiń Ulttyq qaýipsizdik jáne qorǵanys keńesiniń hatshysy Raısa Bogatyreva tumaý indetine baılanysty elde tótenshe jaǵdaı engizilý múmkindigin joqqa shyǵarmaǵan edi. El Konstıtýtsııasynda pandemııa jaǵdaıynda tótenshe jaǵdaıdyń engizilýine ruqsat etilgen. Tótenshe jaǵdaı kezinde saılaý ótkizýge tyıym salynady. Al 2010 jyly qańtardyń 10-ynda Ýkraınada prezıdenttik saılaý ótýi kerek, dep habarlaıdy QazAqparat «RIA «Novostı» agenttigine silteme jasap.
«Prezıdent, epıdemııanyń taralýy Ýkraınada tótenshe jaǵdaı engizýge ákelmeıtinin jáne saılaýdyń ótkizilý merzimine áser etpeıtinin aıtyp sendirdi», - delingen memleket basshysynyń baspasóz qyzmetiniń habarlamasynda.
Búgingi kúngi jaǵdaı boıynsha, elde 1 mıllıonnan astam adam tumaýmen aýyryp jatyr, 174 adam kóz jumdy.
