Ýkraına prezıdenti otstavkaǵa ketpeıtini týraly málimdedi
ASTANA. QazAqparat - Vıktor ıAnýkovıch Ýkraına terrıtorııasynyń aýmaǵynda qala beretini jáne ostavkaǵa ketpeıtini týraly málimdedi, dep jazady RBK.
Ýkraına prezıdenti qarsylyq bildirýshilerdi «qaraqshylar» dep atap, eldegi jaǵdaıdy Germanııadaǵy bılik basyna natsısterdiń kelý kezeńimen salystyrdy.
«Men óz elim úshin qaıǵyramyn. Men Ýkraınada qalamyn. Bular oppozıtsııa ókilderi emes, naǵyz qaraqshylar. Olardyń qazir qabyldaǵan sheshimderi zańǵa qaıshy. Men ýkraına halqyna qastandyq jasap, eldiń abyroıyn tógip otyrǵan qaraqshylarmen eshqandaı qujatqa qol qoımaımyn», - dedi ıAnýkovıch «112-Ýkraına» arnasyna bergen suhbatynda.
Onyń sózine qaraǵanda, ol elde qantógis bolmaýy úshin qolynan kelgeniniń bárin jasaǵan. El basshysy Harkovtegi ońtústik-shyǵys depýtattarynyń sezine qatysýǵa nıet bildirgende oǵan adamdardyń izine túsetini týraly habarlama kelip otyrǵan. Sondaı-aq ıAnýkovıch ózimen kelissóz júrgizgen Eýroodaq ókilderiniń onyń qaýipsizdigine kepildik bergenderin aıtady.
Sonymen qatar, ıAnýkovıch jýrnalısterge Joǵarǵy radanyń otstavkaǵa ketken spıkeriniń uryp-soǵýǵa dýshar bolǵanyn, qazir Donetskige emdelýge jiberilgenin jetkizdi. Prezıdent ákimshiliginiń basshysy Andreı Klıýev qoqan-loqqyǵa toly sms-habarlamalar alǵan. ıAnýkovıch kóligine oq jaýdyrylǵanyn da jasyrmady.
Aımaqtar partııasynan partııa músheleriniń jappaı shyǵyp jatqanyna túsinikteme bere otyryp, ıAnýkovıch kóptegen depýtattarǵa qysym kórsetilgenin aıtty. «Bul qysymǵa shydamaı, otbasylary úshin qaýiptengender de, satqyndar da boldy», - deıdi ol. Prezıdenttiń pikirinshe, Aımaqtar partııasynyń 1,5 mln. múshesiniń tek 500 myńy ǵana odan shyǵyp kete alady. Sondaı-aq ol partııanyń el boıynsha 500-ge jýyq keńsesine órtke shaldyqqanyn habarlady. Aıta keteıik, ıAnýkovıch Harkovke 21 aqpan kúni keshke ushyp ketken bolatyn. Onda eldiń ońtústik-shyǵys óńiriniń halyq depýtattarynyń sezi ótti. Sezde rezolıýtsııa qabyldandy, oǵan sáıkes elde konstıtýtsııalyq tártip pen ornyqty bılik ornaǵansha jergilikti ózin-ózi basqarý organdaryna bılik ókilettiligi berilmek.
