Ýkraına Prezıdenti oppozıtsııa ókilderine úkimetti basqarýdy usyndy
«Aýqymdy qoǵamdyq kelisimderge qol jetkizý úshin el prezıdenti kópshilik aldyndaǵy pikirtalasqa Vıtalıı Klıchkony shaqyrdy, ol bul shaqyrýdy qabyl aldy. Sondaı-aq el basshysy Arsenıı ıAtsenıýkke premer-mınıstr qyzmetin atqarýdy usyndy. Ol bul laýazymdy atqarýǵa kelisken jaǵdaıda, prezıdent úkimetti otstavkaǵa jiberý týraly sheshim qabyldaıdy. Gýmanıtarlyq máseleler jónindegi vıtse-premer qyzmetin atqarý týraly usynys Vıtalıı Klıchkoǵa jasaldy», - dedi ádilet mınıstri Elena Lýkash oppozıtsııalyq fraktsııa kóshbasshylarynyń prezıdentpen jáne onyń komandasymen kezdesýinen soń.
Lýkashtyń sózine qaraǵanda, ıAnýkovıch oppozıtsııamen birlese jumys jasaý memleketke kúsh biriktirip, el mem qoǵam úshin qajetti reformalardy júrgizýge múmkindik beredi dep esepteıdi.
«Prezıdentimiz elde sońǵy kezderi oryn alǵan barlyq qasiretti jaǵdaılarǵa, adamdardyń jaraqat alýyna, kıkiljiń qurbandaryna qatysty qatty qynjylatynyn bildirdi jáne zorlyq-zombylyqqa jol bermeý qajettigin atap ótti. Biz barlyq radıkaldy áreketter men olardyń saldaryna qarsymyz. Kelissózder taraptardyń ýaǵdalastyqtary boıynsha jalǵasatyn bolady», - dep túıindedi ol sózin.
