Ýkraına prezıdenti qarjy mınıstri Horoshkovskııdi qyzmetinen bosatty
ASTANA. 23 aqpan. QazAqparat - Ýkraınanyń prezıdenti Vıktor ıAnýkovıch Valerıı Horoshkovskııdi qarjy mınıstri qyzmetinen bosatyp, ony birinshi vıtse-mınıstr etip taǵaıyndady.
Bul týraly prezıdent ákimshiliginen málim etti, dep habarlaıdy Ýtro.rý.
2012 jyldyń 18 qańtarynda V.Horoshkovskıı qarjy mınıstri bolyp taǵaıyndalǵan. Buǵan deıin ol Ýkraınanyń qaýipsizdik qyzmetiniń basshysy qyzmetin atqarǵan. Prezıdenttiń Andreı Klıýevti ornynan alyp, ony Ýkraınanyń ulttyq qaýipsizdik jáne qorǵanys keńesiniń hatshysy jumysyna aýystyrǵannan keıin, 14 aqpannan bastap Ýkraınanyń birinshi vıtse-mınıstriniń laýazymy bos boldy.
V.Horoshkovskıı - Ýkraınadaǵy tanymal bıznesmen jáne saıasatker. 2002 jyly ol Ýkraına prezıdenti ákimshiligi basshysynyń orynbasary bolǵan. Ár jyldary eldiń ekonomıka jáne eýropalyq ıntegratsııa máseleleri boıynsha mınıstri, memlekettik kedendik qyzmettiń tóraǵasy bolyp istegen. 2009 jyly ol Ýkraınanyń qaýipsizdik qyzmeti bastyǵynyń orynbasary, bir jyldan keıin - onyń bastyǵy, al 2012 jyldyń qańtar aıynda qarjy mınıstri boldy.
