Ýkraına prezıdenti eldi basqarýdan bas tartpaıtynyn jetkizdi
ASTANA. QazAqparat - Vıktor ıAnýkovıch el parlamentiniń ony bılikten shetteý týraly qaýly shyǵarǵanynan jáne prezıdenttik saılaýdyń 25 mamyrǵa belgilengeninen habardar. Alaıda, ol óz bıligin jalǵastyra beretinin málimdedi, dep jazady RBK.
«Prezıdent Joǵarǵy radanyń eshbir sheshimin moıyndamaıdy, onyń ishinde ózin bılikten shettetý týraly sheshimdi de qabyl almaıdy. Onyń Harkovte jumys saparymen júrgenine nebári jarty táýlik qana boldy, biraq bul onyń ózdiginen bılikten ketkenin bildirmeıdi», - deıdi Ýkraına basshysynyń keńesshisi Anna German. Onyń aıtýynsha, ıAnýkovıch el basqaryp qala bermek, ol óz mindetterin atqarýdan bas tartpaıdy.
Esterińizge sala keteıik, keshe Joǵarǵy rada ıAnýkovıchti el bıliginen shettetýge daýys berip, aǵymdaǵy jyldyń 25 mamyrynda kezekten tys prezıdenttik saılaý ótkiziletini týraly málim etken edi.
