Ýkraına Premer-mınıstri otstavkaǵa ketti

ASTANA. KAZINFORM – Ýkraına Premer-mınıstri otstavkaǵa ketý týraly ótinishin berdi. Bul týraly ol óziniń Telegram-arnasynda jazdy, dep habarlaıdy TASS.

«Ýkraına Premer-mınıstri qyzmetinen ketýimdi ótinemin», – delingen 15 shildede jarııalanǵan jazbada.

Joǵarǵy Rada mınıstrlerdi qyzmetinen bosatý máselesin sársenbi kúni qaraıdy. Al jańa úmitkerlerge qatysty daýys berý 17 shildege josparlanǵan.

Ol 2020 jylǵy 4 naýryzdan bastap premer qyzmetin atqaryp keledi. Áskerı jaǵdaıǵa baılanysty onyń qyzmet merzimi Ýkraına tarıhyndaǵy eń uzaq kezeń boldy – bes jyldan astam.

14 shildede Ýkraına prezıdenti Vladımır Zelenskıı vıtse-premer – ekonomıka mınıstri ıÝlııa Svırıdenkony úkimet basshysy qyzmetine usynǵanyn aıtty. Alaıda, Konstıtýtsııaǵa sáıkes, premer-mınıstr laýazymyna úmitkerdi parlamenttegi kópshilik usynýy tıis. 

Sol kúni Zelenskıı Shmygal premerlik qyzmetten ketkennen keıin eldiń qorǵanys mınıstri bolatynyn málimdedi.

Qazirgi qorǵanys mınıstri Rýstem Ýmerovtyń AQSh-taǵy elshi qyzmetine aýysýy josparlanýda.

Sońǵy kúnderi ýkraınalyq basylymdar Ýmerovtyń otbasy AQSh-ta turatynyn jıi jazyp júr.

Tramp Ýkraınaǵa amerıkalyq qarý jetkiziletinin málimdedi.