Ýkraına premer-mınıstri otstavkaǵa ketý jóninde ótinish jazdy

KIEV. ÝKRINFORM – QazAqparat – 3 naýryz kúni Ýkraına premer-mınıstri Alekseı Goncharýk Joǵarǵy Rada tóraǵasynyń atyna qyzmetten bosatý týraly ótinish jazdy, dep habarlaıdy QazAqparat Ýkrınform resýrsyna silteme jasap.

Bul jóninde jýrnalısterge «Slýga naroda» fraktsııasynyń múshesi, depýtat Aleksandr Kachýra habarlady.

«Iá, búgin onyń ótinishi bizge kelip tústi», - dep atap ótti Kachýra.

Aıta keteıik, buǵan deıin el prezıdenti Vladımır Zelenskıı «Slýga naroda» fraktsııasynyń otyrysynda Ýkraına premer-mınıstri Alekseı Goncharýkty otstavkaǵa jiberip, onyń ornyna Denıs Shmygaldy taǵaıyndaýdy usynǵan edi.

Ol jaıynda Aleksandr Kachýra óziniń Telegram paraqshasynda jazǵan.

Qosa keteıik , «Slýga naroda» depýtattyq fraktsııasy 3 naýryzdaǵy otyrysynda Alekseı Goncharýktyń ótinishin qanaǵattandyrý týraly sheshim qabyldady. Bul jóninde jýrnalısterge halyq depýtaty Aleksandr Dýbınskıı habarlady.