Ýkraına men AQSh mıneral boıynsha kelissóz júrgizdi

ASTANA.KAZINFORM - Ýkraına Ekonomıka mınıstriniń orynbasary Taras Kachka bastaǵan ýkraın delegatsııasy Ýkraınanyń paıdaly qazbalaryn óndirý týraly  kelissózderdiń jańa kezeńi úshin Vashıngtonǵa bardy, dep habarlaıdy BBC.

Kelissóz eki kúnge sozylady jáne tehnıkalyq mazmunda bolady, dep jazady New York Times. Vashıngton kezdesýdi resmı túrde jarııalaǵan joq.

Donald Tramp Ýkraınanyń mańyzdy paıdaly qazbalaryn (keıde «sırek jer metaldary» degen tar sheńberdegi termınmen ataıdy) óndirý týraly kelisimdi AQSh-tyń Ýkraınaǵa kórsetken kómegi úshin ótemaqy retinde, tipti sol eldiń qaýipsizdik kepiliniń bir túri retinde aıtty.

Tikeleı qaýipsizdik kepildigi týraly eshteńe aıtylmaǵan taǵy bir kelisim jobasy naýryz aıynyń sońynda Kıevke jiberildi.

Reıter agenttigi bul máseleni biletin anonımdi derekkózge silteme jasaı otyryp, AQSh-tyń Ýkraınanyń mıneral resýrstaryna qol jetkizýi týraly kelisim boıynsha kelissózder «antagonıstik» atmosferada ótkenin jazady. Agenttik derekkózdiń qaı tarapqa qatysy baryn naqtylamady.

Buǵan deıin birneshe BAQ ýkraındyq derekkózderge silteme jasaı otyryp, Ýkraına ekonomıka mınıstriniń orynbasary Taras Kachka bastaǵan Ýkraına delegatsııasynyń Vashıngtonǵa sapary týraly habarlaǵan. AQSh-tyń Qarjy mınıstrligi Reuters agenttigine talqylaýlardyń «tehnıkalyq sıpatta» bolatynyn rastady.

24 naýryzda AQSh prezıdenti Donald Tramp AQSh ákimshiligi men Ýkraına bıligi sırek jer elementteri týraly kelisim boıynsha jumysty aıaqtaýǵa jaqyn ekenin jáne jaqyn arada oǵan qol qoıatynyn habarlady.

Kıev atom elektr stansasyna AQSh-tyń baqylaýynsyz jer qoınaýy týraly kelisimge qol qoıýǵa daıyn ekenin málimdedi.