Ýkraına qysqy ýaqytqa aýysýdy toqtatady
ASTANA. 19 qyrkúıek. QazAqparat - Joǵarǵy rada Ýkraınanyń qysqy ýaqytqa ótýin toqtatý jóninde sheshim qabyldaıdy. Bul týraly Joǵarǵy radanyń spıkeri Vladımır Lıtvın málim etti, dep habarlaıdy Podrobnostı.ua gazeti.
«Qaýly jobasy bar, meniń oıymsha, qysqy ýaqytqa kóshýdi toqtatý týraly sheshimdi biz qabyldaımyz», - dep atap ótti ol.
Sonymen qatar, Lıtvın 300 mln. grıven elektr qýatyn joǵaltqandyǵyn da tilge tıek etti.
Esterińizge sala keteıik, Joǵarǵy radanyń ǵylym jáne bilim máseleleri jónindegi Komıteti Ýkraınadaǵy saǵat tiliniń jylyna eki ret aýystyrylýyn toqtatýǵa kelisti.
