Ýkraına qonaqúılerinde bos oryn qalǵan joq
ASTANA. 11 sáýir. QazAqparat - Eýro-2012 kezeńinde Ýkraına qonaqúılerinde bos oryn qalǵan joq. dep habarlady reseılik «Jańalyqtar» agenttigi. Qalǵan azdaǵan oryndarǵa baǵa keminde úsh, tipti keıbir jaǵdaılarda - on eseden astam kóterildi.
Bıyl Polshamen birlesip, fýtboldan Eýropa chempıonatyn ótkizetin Ýkraınada 8 maýsym men 1 shilde aralyǵynda qonaqúılerde turý baǵasynyń joǵary bolýy ÝEFA-ny da alańdatýda. Fýtbol qaýymdastyǵy eger baǵa tómendemese, ýkraın qalalarynda sheteldik qonaqtar múldem bolmaýy múmkin dep málim etti. Eýropalyq fýtbol basshylarynyń aıtýynsha, jankúıerler Ýkraınaǵa match ótetin kúnderi ǵana kelmek. Al Ýkraına basshylyǵy sáýirdiń aıaǵyna deıin qonaqúılerdegi baǵany retteýge ýáde berdi.
Kıevtiń jaqsy qonaqúılerindegi barlyq nómirler aldyn ala brondalǵan. Ýkraına astanasyndaǵy Riviera on Podol qonaqúıindegi jartylaı lıýks eki oryndyq nómirdiń quny bir táýlikke 2,5 myń dollarǵa sharyqtap ketken. Úsh juldyzdy qonaqúıdiń baǵasy táýligine 500 eýro kóleminde bolyp otyr. Sondaı-aq Eýro-2012 oıyndaryn qabyldaıtyn Harkov, Donetsk jáne Lvov qalalarynda da qonaqúı baǵasy edáýir artqan.
