Ýkraına: Kıev metrosyndaǵy bomba jalǵan bolyp shyqty
ASTANA. 15 sáýir. QazAqparat - Kıev metropolıteniniń «Ýnıversıtet» metro stansasynda jarylǵysh zattardy zalalsyzdandyrý qyzmetkerleri beısenbi kúni jarylǵysh zatqa uqsas, kúdikti zatty zalalsyzdandyrdy. Baqytqa oraı, ol jarylǵysh zat bolmaı shyqty,
dep habarlady Ýkrınform.
Astanalyq mılıtsııa bas basqarmasynan habarlaǵandaı, belgisiz zatty zalasyzdandyrý arnaıy robottyń kómegimen júzege asyryldy. Qaǵaz qaltanyń ishinen uıaly telefon men bir býma sym tabyldy.
Mılıtsııa qyzmetkerleri habarlaǵandaı, osylaı ázildegisi kelgen adam Ýkraınanyń Qylmystyq kodeksiniń 296-baby - «Buzaqylyq» boıynsha jaýap beredi.
Eske sala ketsek, keshe keshkisin «Ýnıversıtet» metro stansasy jolaýshylar úshin eki saǵattaı ýaqytqa jabyq boldy, barlyq poıyzdar stansaǵa toqtamaı ótip otyrdy.
Keshki 17.40 kezinde metronyń mılıtsııa qyzmetkeri eskalatorlardyń arasynan ishinen symdary shyǵyp turǵan «Makdonalds» qaltasyn taýyp aldy. Osyǵan baılanysty júzdegen jolaýshy men metro qyzmetkerleri qaýipsiz jerge shyǵarylyp, jedel-tergeý toby men jarylǵysh zattardy zalalsyzdandyrý toby shaqyryldy.
