Ýkraına Keden odaǵyna kirýi múmkin
ASTANA. 30 qarasha. QazAqparat - Reseı Ýkraınany Keden odaǵynyń quramynda kórgisi keledi. Bul týraly Dmıtrıı Medvedev Reseı-Ýkraına memleketaralyq komıssııasynyń májilisi aıasynda ýkraınalyq áriptesi Vıktor ıAnýkovıchpen bolǵan kelissózdiń qorytyndysy boıynsha málim etti,
dep habarlaıdy RBK agenttigi «Izvestııa» gazetine silteme jasap.
Máskeýge «kógildir otyn» baǵasyna jeńildik alý úmitimen kelgen Vıktor ıAnýkovıch D.Medvedevpen birlesip bergen baspasóz máslıhatynda: «Bul máseleniń sheshimi boıynsha jaýapty biz tez taba qoıamyz dep oılamaımyn», - dedi. Óz kezeginde D.Medvedev, bul máseleniń sheshimi tarazy basynda jatqanyn aıtty. «Búkil Eýropanyń energetıkalyq qaýipsizdigi Reseı men Ýkraınanyń arasyndaǵy qarym-qatynasqa táýeldi ekenin biz jaqsy túsinemiz», - degen Reseı Prezıdenti: «Ýkraına bıýdjetiniń de Reseımen aradaǵy energetıkalyq yntymaqtastyqqa baılanysty ekenin jaqsy túsinemiz» , - dedi. Basqasha aıtqanda, bul másele ýkraına ekonomıkasy úshin asa mańyzdy.
D.Medvedev Reseı de, Ýkraına da «ornyqty jáne teńgerimdi» damı alatyndaı mámilege kelýdi usyndy. «Biz óz kezegimizde, Ýkraınany Keden odaǵynyń jáne Birtutas ekonomıkalyq keńistiktiń quramynda kórgimiz keledi», dep málim etti D.Medvedev.
Reseı munaıyn Kıev úshin tıimdi shartpen Ýkraına arqyly tranzıtteýdi arttyrý týraly kelisimge kelgennen keıin V.ıAnýkovıch, Ýkraınanyń Keden odaǵyna qosylý perspektıvasy týraly pikirin bildirdi. Onyń aıtýynsha, «bul múmkin», biraq oǵan kedergi bolatyn protsedýralar bar, ol parlamentte de sheshimin taýyp qalýy múmkin nemese jalpyhalyqtyq referendýmǵa shyǵarylýy yqtımal konstıtýtsııalyq ózgertýler engizý kerek».
