Ýkraına Keden odaǵyna bet burdy ma?
ASTANA. 7 jeltoqsan. QazAqparat - Ótken aıdyń sońynda Ýkraınada bastalǵan halyq narazylyǵy áli de bolsa tynshyr emes. Jurttyń bulaı dúrligýine Ýkraına bıliginiń Eýropalyq odaqpen qaýymdasqan múshe bolamyn dep eýropalyqtardy emeksitip kelip, aıaq astynan jaltarýy túrtki bolǵan edi.
Qazir eldegi ahýal tipti ýshyǵyp túr. Keıbir derekterge qaraǵanda, el astanasy Kıevte narazylyq sherýine shyqqandardyń qatary 700 myń adamǵa jetip jyǵylady. Olardyń qatarynda elge esimi belgili adamdar da bar. Máselen, búgingi buqaralyq aqparat quraldarynda jaryq kórgen derekterge qaraǵanda, Evrovıdenıe baıqaýynyń jeńimpazy bolǵan ánshi Rýslana eldegi ahýal ózgermese ózin órtep jiberýge deıin baratyndyǵyn aıtyp qoqan-loqqy jasapty. «Sizderge shynymdy aıtamyn, egerde ózgerister oryn almasa, onda men osy Maıdanda ózimdi órtep jiberemin. Men bul sheshimdi ózim úshin qabyldadym», - depti. Kásipqoı boksta esimi shartarapqa taraǵan dańqty boksshy Vıtalıı Klıchkonyń da osy maıdanda júrgendigi málim. Tipti ol el bıligine 3 talap qoıyp otyrǵandyǵy da málim. Onyń birinshisi - zańsyz tutqynǵa alynǵan 14 belsendini bosatý, ekinshisi - beıbit sherýshiler men jýrnalısterdi soqqyǵa jyqqandardy jazalaý. «Úshinshiden, Іshki ister mınıstri Vıtalıı Zaharchenko men Azarov úkimeti otstavkaǵa ketsin. Tek osydan keıin ǵana biz osynaý saıası daǵdarystan shyǵýdyń odan arǵy joldaryn talqylaıtyn bolamyz», - dedi ol.
Iá, osylaısha qalyń jurtshylyq Eýropamen yqpaldastyqqa den qoıyp otyrǵanda, eldiń Prezıdenti Vıktor ıAnýkovıch Reseımen Ýkraınanyń bolashaqta Keden odaǵyna qosylatyndyǵy týraly kelisimge qol qoıypty degen aqparat tarady. Árıne, bul aqparat anyq emes. Degenmen, brıtandyq The Economist basylymynyń redaktory Edvard Lýkastyń óziniń derekkózderine súıenip taratqan aqpary osyndaı málimetti túzedi. «Búgin Sochıde V.ıAnýkovıch Reseımen strategııalyq kelisimge qol qoıǵanyn estidim. Ol gaz baǵasyn 200 dollardy quraıtyn aldyn ala tólemdi qosa alǵanda 5 mlrd. dollardy jáne Keden odaǵyna qosylý týraly keisimdi qamtıdy»,- dep jazady ol.
E.Lýkastyń qolynda bar derekterge qaraǵanda, V.ıAnýkovıch Máskeýden 15 mlrd. dollar alýy múmkin. Sonymen qatar qol jetkizilgen kelisimderge sáıkes Ýkraına 2015 jyly Keden odaǵynyń quramyna qosylýy múmkin. Al mundaı habardyń batys elderi úkimetteriniń aıran-asyr qylatyndyǵy da túsinikti.
Rasynda da kúni keshe V.ıAnýkovıch Sochıde bolyp, onda reseılik áriptesi Vladımır Pýtınmen kezdesken edi. Kreml baspasóz qyzmetiniń taratqan aqparatyna qaraǵanda, Ýkraına kóshbasshysy Qytaıdan qaıtyp kele jatqan kezinde Reseıde qysqa merzimdi saparmen bolǵan. «Prezıdentter eki jaqty qarym-qatynastardyń aǵymdyq máselelerin, sonymen qatar Máskeýde ótetin Reseı-Ýkraına memleketaralyq komıssııasynyń otyrysyna daıyndyqpen baılanysty máselelerdi talqylady», - delingen Kreml taratqan aqparatta.
Alaıda, ýkraına taraby eki el prezıdentteri arasyndaǵy áńgimeniń shet jaǵasyn shyǵardy. Atap aıtqanda, Ýkraına Premer-Mınıstri Nıkolaı Azarov sheteldik BAQ-qa bergen suhbatynda V.ıAnýkovıchtiń V.Pýtınmen strategııalyq ekijaqty seriktestik týraly kelisimdi, oǵan qosa saýda-ekonomıkalyq rejimderdegi qarama-qaıshylyqtardy joıý boıynsha «jol kartasyn» daıyndaý máselelerin talqylanǵanyn atap ótti.
