Ýkraına Qazaqstanǵa An-74 ushaǵyn jasap jatyr

ASTANA. QazAqparat - Harkov avıazaýyty Qazaqstan úshin An-74 ushaǵyn jasap shyǵarady. Bul týraly avıazaýyttyń bas dırektory Aleksandr Krıvokon málimdedi, dep habarlaıdy jergilikti basylym Status Quo.

Dırektordyń aıtýynsha, tapsyrys berýshi ushaq úshin 15 mln dollar tólep qoıǵan, biraq áýe kóligin áli almaǵan.

Krıvokon jaqynda qurylǵan Qazaqstan Respýblıkasy Qorǵanys jáne aeroǵarysh ónerkásibi mınıstrliginiń ókilderimen kezdeskenin tilge tıek etti.

«Biz kelisimshartty aıaqtap, ushaqtyń óndirisi alys-beris syzbasy boıynsha júrgiziledi dep kelistik, ushaqty jasap shyǵarýǵa «Ýkrspetseksport» kompanııasy kepilger bolady. Ýkraınanyń UQQK Qazaqstanmen kelisimshart negizinde kelesi jylǵa qarjy bóledi dep kútilýde. Qurastyrý jumystaryn jazdyń sońynda bastaımyz, al 2018 jyldyń qyrkúıek aıynda ushaqty jasap shyǵarý josparlanýda. Keıin Qazaqstan úshin taǵy tórt mashına jasaýǵa tapsyrys kútilýde», - dep atap ótti Krıvokon.

Sondaı-aq, ol zaýytta taǵy eki An-140 bar ekenin atap ótti.

«Olardy sata almasaq, olardyń qurylysyn otandyq tasymaldaýshylar kómegimen aıaqtap, reıske shyǵarýdy josparlap jatyrmyz», - dep málimdedi A.Krıvokon.