Ýkraına qazaqstandyq stýdentter úshin 40 grant bóldi
«Qazaqstan Respýblıkasyndaǵy Ýkraına elshiligi 2019 jyly Ýkraınanyń memlekettik bıýdjeti esebinen 40 grant bólingenin habarlaıdy. Ol granttar Qazaqstan azamattaryn Ýkraınanyń joǵarǵy oqý oryndarynda tehnıkalyq, ekonomıkalyq jáne gýmanıtarlyq mamandyqtar boıynsha oqytýǵa arnalǵan», - dep habarlandy Ýkraınanyń dıplomatııalyq ókildiginen.
Aıta keteıik, onyń ishinde 30 grant - «bakalavr», 10 oryn - «magıstr» dárejesine bólingen. Úmitkerler qujatty Ýkraınanyń bilim jáne ǵylym mınıstrligine 2019 jyldyń naýryz aıyna deıin ótkizý kerek. Ýkraına tarapy stıpendıanttardy tegin oqýmen, sondaı-aq daıarlyq bólimshelerimen, jataqhanadaǵy tegin orynmen, Ýkraınanyń zańnamasyna sáıkes medıtsınalyq qyzmetpen qamtamasyz etedi. Akademııalyq shákirtaqy «bakalavr»/«magıstr» dárejeleri boıynsha oqý barysynda tólenedi.
Tolyǵyraq aqparatty myna siltemeden bilýge bolady.
