Ýkraına ІІM reseılik 500 ártistiń elge kelýine tyıym salmaq

«Qyrymdy basyp alý men Ýkraınany bólip bıleý» ıdeıasyn quptaǵan mádenı qaıratkerler «qara tizimge ilinedi», dep málim etti Ýkraına ІІM keńesshisi Anton Geraşenko, dep habarlaıdy ITAR-TASS.

«Ýkraına ІІM-i Qyrymdy basyp alý men Ýkraınanyń shyǵysyndaǵy separatıstik ıdeıany quptap otyrǵan 500-den asa Reseı Federatsııasynyń mádenı qaıratkerine elge kirýge tyıym salady», - dep jazdy Anton Geraşenko óziniń áleýmettik jelidegi jeke paraqshasynda. Buǵan deıin habarlaǵanyndaı, Odessada Anı Loraktyń kontsertin úzbek bolǵan ultshyldar ánshi óleń aıtýy tıis túngi klýbtyń aldynda búlikshilik uıymdastyrdy. «Qazir biz «Qyrymdy basyp alý men Ýkraınany bólip bıleý» ıdeıasyn quptaǵan 500-den asa mádenı qaıratkerdi qamtıtyn tizim ázirleýdemiz. Olarǵa Ýkraına aýmaǵyna kirýge tyıym salynatyn bolady», - dedi Anton Geraşenko ótken túni «Ibıtsa» túngi klýbynyń aldynda Anı Loraktyń kontsertin toqtatý úshin jınalǵan ultshyl top pen polıtsııa arasynda oryn alǵan qaqtyǵysqa túsinikteme bere otyryp. «Men Anı Lorak nemese basqa da mádenıet jáne óner ókilderiniń Reseıge qatysty qarym-qatynasyn jón sanamaımyn. Olarǵa Ýkraına jerinde kontsert qoıyp nemese óleń aıtyp aqsha tabýlaryna múmkindik bermeý kerek», - dep málim etti ol. Budan buryn Latvııa syrtqy ister mınıstrligi elge kirýge tyıym salynǵan sheteldikterdiń qara tizimine birqatar Reseı azamattaryn engizý jóninde sheshim qabyldaǵan edi. Olardyń qatarynda Iosıf Kobzon, Valerııa men Oleg Gazmanov ta bar. Óz kezeginde Dnepropetrovsk oblysynyń memlekettik ákimshiligi qala bıligine Iosıf Kobzondy «Dnepropetrovsk qurmetti azamaty» ataǵynan aıyrý týraly ótinish bildirdi.