Ýkraına HVQ transhynan bas tartty

Bul týraly eldiń Premer-mınıstri Nıkolaı Azarov málimdedi, dep jazady "Izvestııa" gazeti.

«Qazir bizge aqsha kerek emes. Eger kerek bolsa - demek, biz Vashıngtonǵa baryp, naqty talap qoıamyz, kredıtorlar bizge qoıǵan talapty oryndaı otyryp, ol transhty alamyz. Transhty alýǵa eshqandaı kedergi joq», - dedi Azarov.

Sonymen birge ol Kıev HVQ-men yntymaqtasýdan bas tartpaıtynyn atap ótti.

2011 jyldyń jazynda HVQ Ýkraınaǵa 15,15 mlrd. dollar kóleminde kredıt bólýge sheshim qabyldady. Kıev jalpy somasy 3,4 mlrd. dollardan asatyn eki transh alyp úlgerdi. Degenmen sońǵy ýaqytta qormen yntymaqtastyq toqtap qaldy, óıtkeni halyqaralyq kredıtorlar Ýkraınaǵa birqatar, atap aıtqanda bıýdjet tapshylyǵyn qysqartý, zeınetkerlik jasyn ulǵaıtý jáne halyqqa gaz baǵasyn qymbattatý sııaqty talaptar qoıdy.