Ýkraına halqy prezıdent saılaýynda daýys berip jatyr
NUR-SULTAN. QazAqparat - Ýkrınada kezekti prezıdent saılaýy ótip jatyr, dep habarlaıdy QazAqparat Ýkrınform agenttigine silteme jasap.
Agenttik taratqan málimetterge qaraǵanda, daýys berý Ýkraına ýaqyty boıynsha saǵat 8-00-de bastalyp, keshki saǵat 20-00-de aıaqtalady. Sheteldegi saılaý ýchaskelerinde daýys berý jergilikti ýaqyt boıynsha júzege asyrylady.
Ýkraınada barlyǵy 199 saılaý okrýgi men 1 sheteldik saılaý okrýgi uıymdastyrylǵan. Barlyǵy 29 myń 888 ýchaskelik saılaý komıssııasy jumys isteıdi. Onyń ishinde 79 arnaıy saılaý komıssııasy áskerı bólimderdiń aýmaǵynda ornalasqan. Shetelde 101 saılaý ýchaskesi jumys istep tur.
Saılaýshylardyń jalpy sany shamamen 29,7 mln adamdy qurap otyr.
Ortalyq saılaý komıssııasy prezıdentikke kanıdat retinde 44 adamdy tirkedi. Alaıda olardyń 5-ýi saılaýǵa túsýden bas tartty. Osylaısha, saılaý bıýlletenderine prezıdenttikke kandıdat 39 adamnyń aty-jóni engizilgen.
139 ýkarınalyq qoǵamdyq uıymǵa prezıdent saılaýynda resmı baıqaýshy taǵaıyndaý quqyǵy berilgen. Buǵan qosa Ortalyq saılaý komıssııasy 19 halyqaralyq uıym men 17 shet memleketten 2 myń 344 baıqaýshyny tirkedi. OSK daýys berý nátıjeler men tıisti hattamany 10 sáýrge deıin shyǵarý kerek.
Saılaýda jeńiske jetý úshin kandıdat saılaýshylardyń 50 paıyzyn jáne qosymsha taǵy 1 daýys jınaýy kerek. Eger kandıdattardyń eshqaısysy bul daýysty jınaı almasa, daýys berý qaıta ótkiziledi. Ol 21 sáýirge josparlanyp otyr.
