Ýkraına Eýropaǵa gaz tranzıtin qysqartty

ASTANA. 11 qyrkúıek. QazAqparat - Ýkraına arqyly Eýropa elderine tasymaldanǵan gaz kólemi 2013 jyldyń qańtar-tamyz aılarynda ótken jyldyń sáıkesinshe kezeńimen salystyrǵanda 3,1%-ǵa - do 54,4 mlrd tekshe metrge azaıdy. Bul týraly «Ýkrtransgaz» kompanııasynyń aqparatyna silteme jasap, Rosbalt habarlady.

«Tamyz aıynda Eýropa elderine jetkiziletin gaz tranzıti 32%-ǵa - 7,1 mlrd tekshe metrge deıin ósti», - dep aıtylǵan habarlamada. «Ýkrtransgazda» 2013 jyldyń basynan bastap, Ýkraınanyń gaz tasymaly júıesine Reseıden 15,3 mlrd tekshe metr tabıǵı gaz jetkizilgeni atap aıtylýda, ol ótken jyldyń sáıkesinshe kezeńimen salystyrǵanda 6,1 mlrd tekshe metrge nemese 29%-ǵa az.

Sonymen qatar, «Ýkrtransgaz» ortalyq dıspetcherlik departamentiniń aqparaty boıynsha, ımporttaýshy elderdiń barlyq ótinimderi tolyq kólemde bekitilgen merzimderinde oryndalýda.

Eske sala keteıik, 11 qyrkúıekte Ýkraına óziniń jerasty gaz qoımasyn (JGQ) toltyrýdy 1 qarashaǵa deıin 18 mlrd tekshe metr deńgeıine deıin jetkizýge kelisti. Qazirgi ýaqytta gaz óndirýdi qarjylandyrý jóninde Reseı jaǵymen kelissózder júrgizilýde.