Ýkraına Eýropaǵa 200 mıllıard tekshe metrden astam gaz jetkize alady
MINSK-KIEV. 14 maýsym. QazAqparat /Aıtýar Mamlın/ - Ýkraına gaz tasymaly jelisi qaıta jańǵyrtýdan ótkizilgennen keıin Eýropaǵa 200 mıllıard tekshe metrden astam gaz jetkize alady.
Bul týraly ulttyq telearna efırinde Ýkraınanyń premer-mınıstri Nıkolaı Azarov málim etti, dep habarlaıdy Ýkraına Mınıstrler Kabıneti hatshylyǵynyń aqparat jáne qoǵammen baılanys departamenti.
«Biz Reseı basshylyǵy men Eýropalyq Odaqty azdaǵan qaıta qurastyrý jáne qaıta jańǵyrtýdan ótkennen keıin bizdiń gaz tasymaly jelimizden basqa eń senimdi gaz jetkizý kózi joq dep sendiremiz», - dep málim etti Nıkolaı Azarov. Ol Ýkraınanyń reseılik tabıǵı gazdy Eýropaǵa tasymaldaıtyn eń senimdi tarap bolyp qalatynyn atap ótti.
