Ýkraına Eýro-2012 chempıonatyna 5 mlrd. dollar jumsady
ASTANA. 5 shilde. QazAqparat - Ýkraına jýyrda fýtboldan ótken Eýropa chempıonatyna 5 mlrd. AQSh dollar qarjy jumsady,
dep málimdedi eldiń ınfraqurylym mınıstri Borıs Kolesnıkov. Onyń sózine qaraǵanda, 4 mlrd. dollar qazynadan alynǵan, al 1 mlrd. dollar bondtardy satýdan túsken qarjydan tartyldy.
Kolesnıkov habarlaǵandaı, bul aqshanyń 800 mln. dollary eski nysandardy qaıta qalpyna keltirýge jáne jańasyn salýǵa jumsaldy. Degemen qarajattyń basym bóligi joldar men basqa da ınfraqurylym nysandaryn jańartýǵa baǵyttaldy. Mınıstrdiń sózine qaraǵanda, chempıonatqa quıylǵan jeke ınvestıtsııalar 4,5 mlrd. dollardy qurady. Bul qarajat 70 qonaqúıdiń qurylysyna jumsaldy.
Sondaı-aq ol 6,5 mlrd. dollar mólsherinde qarajat memleket ınvestıtsııasynan alynǵandyǵyn teriske shyǵardy.
