Ýkraına depýtattary orys tiline qatysty taǵy janjal shyǵardy
ASTANA. 26 mamyr. QazAqparat - Ýkraına parlamenti - Joǵarǵy Radada orys tiline eldiń keıbir aımaqtarynda "ekinshi memlekettik til" mártebesin beretin zań jobasyna qatysty arty tóbeleske ulasqan janjal boldy.
Jańa zań jobasy jekelegen aımaqtarda sotta, aýrýhanalar men basqa da mekemelerde orys tilin qoldanýǵa ruqsat beredi, dep jazady BAQ.kz .
Tóbeles oppozıtsııalyq depýtattar men prezıdent Vıktor ıAnýkovıchtiń partııasynan saılanǵan depýtattar arasynda boldy. Tóbeleste oppozıtsııalyq partııa depýtaty Mıkola Petrýk basynan soqqy alyp, aýrýhanaǵa tústi. Petrýktyń áriptesteri oqıǵany tergeýdi talap etip otyr.
Ýkraınada eldiń orys tildi shyǵys jáne ońtústik aımaqtary men ýkraın tilinde sóıleıtin batys aımaqtarynyń arasynda saıası bólinis bar. Shyǵys jáne ońtústik aımaqtary Vıktor ıAnýkovıchti qoldaıdy jáne Máskeýmen jaqyndasýdy qalaıdy, al batys aımaqtary NATO-men jáne Eýropa Odaǵymen tyǵyz baılanys ornatqandy qalaıdy.
